انصار:( د تله ۲۴مه)، د طالبانو د ریاست الوزرا سیاسي مرستیال مولوي عبدالکبیر د اقلیمي بدلون د نړیوالې ورځې په اړه جوړه شوې غونډه کې له نړیوالو وغوښتل څو له سیاسي ملاحظو پرته په افغانستان کې د اقلیمي وضعیت د ښه کولو لپاره دوی سره همکاري وکړي.
د طالبانو د ریاست الوزرا اداري مرستیال مولوي عبدالسلام حنفي وویل، چې افغانستان د اقلیمي بدلونونو شپږم زیانمن هېواد دی.
طالب چارواکي دا غوښتنې داسې مهال کوي چې د دوی له بیا واکمنیدو سره څو ځلې سختو زلزلو او سېلابونو په افغانستان کې زرګونه تنو ته مرګ ژوبله واړوله.
مخکې طالب چارواکو نیوکې کړې وې، چې نړیوالو مرستندویانو د دوی له واکمنیدو سره په افغانستان کې د اقلیمي بدلون د منفي اغېزو د مقابلې پروژې په ټپه درولي دي.
URL تعقيب: https://www.ansarpress.com/pashto/27779
قرأ
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني